Panambang -an

Assalamu'alaikum Warahmatullahi Wabarakuh

Sugeng enjang para siswa kelas VIII 

Dina iki pasinaon basa jawa bab panambang -an, ayo padha di waca materi ing ngisor iki!

Sakwise maca materi para siswa banjur padha nggarap latian soal ing ngisore, soal lan candhakan ditulis ing buku tugas basa jawa.

 Panambang (akhiran/sufiks) yaiku wuwuhan utawa imbuhan sing manggon ing mburi tembung lingga (kata dasar) kanggo mbentuk tembung andhahan (kata jadian) tuldhane panambang yaiku -an, -i, -en, -a, -ake.

Panambang -an

1. Panambang -an bisa simabung karo tembung sing wekasane konsonan utawa vokal, menawa ana tembung lingga sing wasanane konsonan lan sadurunge konsonan mau ana swara i jejeg.

tuladha :

a. jarik + -an            = jarikan

    bathik + -an        = bathikan

    tulis + -an           = tulisan

b. pangan + -an      = panganan

    jaket + -an          = jaketan

    jotos + -an          = jotosan

2. Panambang -an yen sumambung ing tembung wekasane wujud vokal, bisa ngalami owah-owahan.

tuladha :

a. wungu + -an        = wunguan ----- wungon

b. bali + -an            = balian      ----- balen

c. gedhe +-an         = gedhean   ----- gedhen

d. kilo + -an           = kiloan      ----- kilon

kanthi tuladha ing nduwur mau mula ora kena diarani manawa swara sing panambang -an luluh dadi siji karo swara wekasane linggane.

Tegese panambang -an

Panambang -an sing rumaket ing tembung lingga bisa nduweni teges :

1. Papan utawa panggonan tuladha lapngan, sekolahan, gurbernuran

2. piranti kanggo tuladha saringan, sampiran, timbangan

3. kaanan/watak tuladha aleman, geleman, tegelan

4. Memper tuladha gunungan, wajan, kuningan

5. nganggo tuladha klamben, kemulan, sarungan

6. Sawise tuldaha rampungan, bubaran, kenggonan

7. Genten nindakake tuladha tabokan, jiwitan, jotosan

Latian

Mangsuli pitakon

kepriye pangrimbage tembung sing digaris ngisor ukara-ukara ing ngisor iki lan terangna panambang -an sing rumaket!

1. Ing gubernuran dianakake lomba pidhato.

    Gubernuran    :

    Tegese            :

2. Tukua timbangan menyang toko wesi ngarep Spega!

    Timbangan    :

    Tegese           :

3. Bocah-bocah Spega rebutan bal ana ing plataran basket.

    Rebutan        :

    Tegese          :

4. Rampungan sinau bocah-bocah banjur nata paturon saperlu leren.

    Paturon           :

    Tegese             :

5. Yen wektu iki gedhen akeh wong sing padha ngantri.

    Gedhen            :

    Tegese             :

6. Anggone ngedol dagangane ora oprokan nanging kilon.

    Kilon               :

    Tegese             :

7. Adhiku digawekake gantungan klambi.

    Gantungan      :

    Tegese             :

8. Sawarnane panganan wis dicawisake kanggo para tamu.

    Panganan        :

    Tegese            :

9. Sawise ki Dhalang nglakokake gunungan para pamirsa padha nyedhaki kelir.

    Gunungan     :

    Tegese          :

10. Tulisan kuwi apik maneh yen digawe kandel tipis.

    Tulisan        :

    Tegese         :