Jenise Tembung (Materi Pembelajaran Jarak Jauh Mapel Bahasa Jawa Kelas VIII SMPN 3 UNGARAN)

Miturut Aristoteles, ahli Basa saka Yunani, jinise tembung kaperang dadi 10 (sepuluh) yaiku :

1. Tembung Aran

Tembung aran utawa kata benda (nomina) yaiku kang mretelakake jenenge barang utawa apa wae kang kaanggep barang.
Tuladha : kapur, meja, omah, gunung, dhuwit, bis, sepedha

2. Tembung Kriya

tembung kriya utawa kata kerja (verba) yaiku tembung sing mretelakake solah bawa utawa tandang gawe,
Tuladha : nandur, njupuk, mbalang, nulisi, nggawakake

3. Tembung Sifat

Tembung sifat utawa kata sifat (adjektiva) uga diarani tembung kaanan yaiku tembung kang bisa mretalake watak utawa kahanane sawijining barang utawa bab.
Tuladha : bagus, dhuwur, ayu, tentrem, alon, bunder, alon

4. Tembung Katrangan

Tembung katrangan utawa kata keterangan (adverbia) yaiku tembung kang aweh keterangan marang tembung liya.
Tuladha : padha, mung, ameh, dudu, dhong-dhong

5. Tembung Sesulih

Tembung sesulih utawa kata ganti (pronomina) yaiku tembung kang digunakake minangka sesulih wong, barang utawa apa wae kang dianggep barang.
Tuladha : aku, kowe, dheweke, iki, kuwi, sapa, kang, sing

6. Tembung Wilangan

Tembung wilangan utawa kata bilangan (numeralia) yaiku tembung kang mratelakake gunggunge barang.
Tuladha : satus, sithik, pirang-pirang, seprapat, sajodho

7. Tembung Panggandheng

Tembung panggandheng utawa kata sambung(kanjungsi) yaiku tembung kang gunane kanggo ngandhengake ukara siji lan ukara liyane utawa tembung siji lan tembung liyane.
Tuladha : dene, ewadene, lan, karo, mulane, sebab

8. Tembung Ancer-ancer
Tembung ancer-ancer utawa kata depan (preposisi) yaiku tembung kang gunane kanggo ngancer-nganceri tembung aran (kata benda) lan mapane tansah ana sangarepe tembung aran lan sifat.
Tuladha : saka, ing, menyang, dhateng, marang

9. Tembung Panyilah
Tembung panyilah utawa kata sandang (artikula) yaiku tembung kang kanggo nyilahake patrap, barang utawa sawijining barang.
Tuladha : si, sang, para, ingkang

10. Tembung Panyeru (panguwuh)
Tembung panyeru (panguwuh) utawa kata seru (interjeksi) yaiku tembung kang nggambarkae wedharing rasa pangrasa (seneng, sedhih, nggumun, kesel, kuciwa